ស៊ីម៉ាក់ ដោះគ្រាប់បែក MK-84 ទម្ងន់ជិត១តោន ដែលទម្លាក់ដោយយន្តហោះចម្បាំងថៃ
ចេញផ្សាយនៅថ្ងៃទី៣១ ខែកក្កដា ឆ្នាំ២០២៥៖
កម្លាំងអង្គភាពស៊ីម៉ាក់ (CMAC)នៅថ្ងៃទី៣០ខែកក្កដាឆ្នាំ២០២៥ បានឆ្លើយតបសំណើរបស់ប្រជាពលរដ្ឋដែលរងគ្រោះដោយការទម្លាក់គ្រាប់បែកចំផ្ទះរបស់គាត់។ គ្រាប់បែកនេះ ជាប្រភេទ MK-84 មានទម្ងន់ជិត១តោន (១,០០០គីឡូក្រាម) មានប្រវែងសរុបប្រមាណ ៣,៥ម៉ែត្រ មានជាតិផ្ទុះជាង ៥០០គីឡូក្រាម។
លោក ហេង រតនា ប្រធានអង្គភាពស៊ីម៉ាក់(CMAC) បានឲ្យដឹងថា កម្លាំងអង្គភាពសុីម៉ាក់ បានឆ្លើយតបសំណើរបស់ប្រជាពលរដ្ឋដែលរងគ្រោះដោយការទម្លាក់គ្រាប់បែកចំផ្ទះរបស់គាត់។ លោកបន្ថែមថា នេះជាប្រភេទគ្រាប់បែក MK-84 មានទម្ងន់ជិត១តោន (១,០០០គីឡូក្រាម) មានប្រវែងសរុបប្រមាណ ៣,៥ម៉ែត្រ មានជាតិផ្ទុះជាង ៥០០គីឡូក្រាម ជាគ្រាប់បែកមានទំហំធំជាងបំផុតក្នុងចំណោមប្រភេទគ្រាប់បែកក្នុងក្រុមគ្រាប់បែកMK (MK-81, MK82, MK-83 និងMK-84) ដែលបានទម្លាក់ដោយកងទ័ពអាកាសសៀមកាលពីកន្លងទៅថ្មីនេះ។
Nº.0891
