ចិន ជំរុញ សហភាព អឺរ៉ុប បញ្ចៀស ភាព ប្រឈម តតាំង គ្នា
ចេញផ្សាយនៅថ្ងៃទី៤ ខែកក្កដា ឆ្នាំ២០២៥៖
ក្នុង ខណៈ ដែល អាមេរិក និង វៀតណាម រក ឃើញ កិច្ចព្រមព្រៀង ពន្ធគយ ចិន ប្រឹង ប្រែង រក ដំណោះ ស្រាយ ជាមួយ សហភាពអឺរ៉ុប។ ក្នុង ពេល បំពេញ ទស្សនកិច្ច នៅ អឺរ៉ុប លោក ប្រមុខ ការទូត ចិន វ៉ាង យី បាន ព្រមាន សមភាគី អឺរ៉ុបអំពី ហានិភ័យ នៃ ការ ប្រឈម តតាំង គ្នា រវាង ចិន និ ងអឺរ៉ុប។ នេះ បើ តាម សេចក្តី ថ្លែងការណ៍ របស់ ក្រសួងការបរទេស ចិន នៅ ថ្ងៃ ព្រហស្បតិ៍ ទី ៣ កក្កដា ២០២៥។
និង សហភាព អឺរ៉ុប មិន ត្រូវ ចាត់ ទុក គ្នា ជា គូ ប្រជែង ដោយហេតុ តែ គិត ខុស គ្នា ហើយ មិន គួ រ ប្រឈម ត តាំង គ្នា ដោយ ហេតុ តែមិន យល់ ស្រប គ្នា ទេ។ នេះ ជា ប្រសាសន៍ របស់ លោក វ៉ាង យី ប្រមុខ ការ ទូត ចិន ទៅ កាន់ សមភាគី សហភាព អឺរ៉ុប លោកស្រី កាចា កាឡា Kajas Kallas ក្នុង ឱកា ស ជួប ពិភាក្សា គ្នា នៅ ទី ក្រុង ព្រុចសែល រដ្ឋធានី អឺរ៉ុប។ អឺរ៉ុប ប្រឈម នឹង បញ្ហា ច្រើន ណាស់ ប៉ុន្តែ សម្រាប់ លោក វ៉ាង យី ចិនគ្មាន ពាក់ព័ន្ធ និង មិនមែន ជា បង្ក ឡើង ដោយ មិន ថា ជា បញ្ហា ចាស់ បញ្ហា បច្ចុប្បន្ន ឬ បញ្ហា សម្រាប់ អនាគតទេ។ ចិន មិនមែនអាមេរិក! ដូច្នេះអឺរ៉ុប មិន ត្រូវ ធ្វើ ដូច សហរដ្ឋ អាមេរិក ដាក់ ចិន ទេ។ លោក វ៉ាងយី បាន ប្រកាស ទៀត ថា ប៉េកាំង និង ព្រុចសែល ត្រូវ ចេះ គោរព គ្នា ទៅ វិញទៅ មក ។
ជា ចម្លើយ តបទៅ ជំហរ ចង់ តាំង ខ្លួន ជា ដៃគូ ជាក់លាក់ ខុស ពី អាមេរិក លោកស្រី ប្រមុខ ការ ទូត សហភាព អឺរ៉ុប បាន ប្រកាស ទាមទារ ឱ្យ ចិន ឈប់ គំរាម កំហែង ស្ថិរភាព អឺរ៉ុប តាម រយៈ សកម្មភាព វាយប្រហារ តាម អ៊ីនធ័រនែត តាម រយៈ ការ ជ្រៀត ជ្រែក ដំណើរ ការ ប្រជាធិបតេយ្យ និង ឈប់ ធ្វើ ពាណិជ្ជកម្ម ខ្សែ លើ គ្មាន ភាព ប្រកួត ប្រជែង តាម ច្បាប់។
ក្រៅ អំពី សំណុំ រឿង ពាណិជ្ជកម្ម សមភាគី ទាំងពីរ បាន ជជែក គ្នា អំពី ប្រធានបទ អន្តរជាតិ ជា ច្រើនទៀត ដូច ជា សង្គ្រាម នៅ អ៊ុយក្រែន សង្គ្រាម អ៊ីស្រាអែល ប៉ាឡេស្ទីន និង បញ្ហា នុយក្លេអ៊ែរ អ៊ីរ៉ង់។ នេះ បើ តាម ការ លម្អិត ក្នុង សេចក្តី ថ្លែងការណ៍ របស់ ក្រសួងការបរទេស ចិន។
ជាមួយ ប្រធានគណៈកម្មការ អឺរ៉ុប និង សមភាគី ប៊ែលហ្សិក លោក ប្រមុខ ការ ទូតចិន ក៏ បាន អំពាវនាវ ឱ្យ អឺរ៉ុប និង ចិន សហការ គ្នា ការ ពារ គោលការណ៍ ពហុ ជាតិ និយម និង នយោបាយ ផ្តោះប្តូរ សេរី ព្រមទាំង ធ្វើការ រួម គ្នា ដើម្បី ដោះស្រាយ វិបត្តិ ពិភពលោក ដូចយ៉ាង ការ ប្រែប្រួល អាកាសធាតុ។ ដើម្បី ត្រៀមលក្ខណៈ បើក ជំនួបកំពូល ចិន-អឺរ៉ុប ក្រោម វត្តមាន ប្រធានាធិបតី ចិន ស៊ីជីនពីង និង ថ្នាក់ ដឹកនាំ កំពូលៗរបស់ អឺរ៉ុប ដំណើរទស្សនកិច្ច នេះ នឹង ជូន លោក វ៉ាង យី ទៅ អាល្លឺម៉ង់ រួច បារាំងទៀត៕
Nº.0828
