មន្ត្រីជំនាញស្ទាក់ចាប់សាច់បង្កក ជាង៣តោន នាំចូលពីវៀតណាម

មន្ត្រីជំនាញស្ទាក់ចាប់សាច់បង្កក ជាង៣តោន នាំចូលពីវៀតណាម 

ចេញផ្សាយនៅថ្ងៃទី២២ ខែកក្កដា ឆ្នាំ២០២៥៖

ក្រុមអន្តរាគមន៍បង្ក្រាបបទល្មើសចលនាសត្វ នៃអគ្គដ្ឋានសុខភាពសត្វ និងផលិតកម្មសត្វ បានសហការជាមួយការិយាល័យផលិតកម្ម និងបសុព្យាបាលខេត្តកំពង់ចាម ចុះឃាត់ចាប់រថយន្ត ១គ្រឿង ម៉ាកសំាយ៉ុង កំពុងតែដឹកសាច់សត្វបង្កកសរុបចំនួន ៣ ៧៩៨ គីឡូក្រាម នៅក្នុងស្រុកកោះសូទិន ខេត្តកំពង់ចាមកាលពីយប់ថ្ងៃចន្ទ ទី២១ ខែកក្កដានេះ។

សាច់សាច់សត្វបង្កកទាំងនោះរួមមាន ស្បែកជ្រូក និងជើងជ្រូក ចំនួន១៨៧កេសក្រដាស ស្មើនឹង ២ ២៤៨គីឡូក្រាម និងហតដកសាច់មាន់ចំនួន ៣១បាវស្មើនឹង ១៥៥០គីឡូក្រាម។

អគ្គដ្ឋានសុខភាពសត្វ និងផលិតកម្មសត្វបានបញ្ជាក់ថា៖«រថយន្តខាងលើបានដឹកសាច់សត្វបង្កកទាំងនេះ ចេញពីប្រទេសវៀតណាម ឆ្ពោះមកលក់ចែកចាយនៅរាជធានីភ្នំពេញដោយគ្មានលិខិតអនុញ្ញាតអ្វីទាំងអស់»។

ក្រុមការងារបាននាំយកវត្ថុតាង និងបទល្មើសខាងលើទៅ រក្សាទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តន៍ទៅតាមនីតិវិធីច្បាប់៕

Nº.0868