កម្ពុជាអនុញ្ញាតឲ្យនាំចេញ ផ្លែទុរេនស្រស់ ទៅកាន់ទីផ្សារចិន

កម្ពុជាអនុញ្ញាតឲ្យនាំចេញ ផ្លែទុរេនស្រស់ ទៅកាន់ទីផ្សារចិន 

ចេញផ្សាយនៅថ្ងៃទី៥ ខែកក្កដា ឆ្នាំ២០២៥

(ភ្នំពេញ)៖ ក្រសួងកសិកម្ម រុក្ខា ប្រមាញ់ និង នេសាទ បាន ចេញ សេចក្តី ប្រកាស មួយ ដោយ បញ្ជាក់ ថា កម្ពុជាបាន ទទួល ការ អនុញ្ញាត ជា ផ្លូវការ ពី អគ្គ រដ្ឋបាល គយ ចិន (GACC) ដើម្បី ចាប់ផ្តើម ធ្វើការ នាំ ចេញ ផ្លែ ទុរេន ស្រស់ដោយ ផ្ទាល់ ទៅ កាន់ ទីផ្សារ ប្រទេស ចិន ស្រប តាម ពិធីសារ ដែល បាន ចុះហត្ថលេខា កាលពី ខែមេសា ។

បើតាម សេចក្តី ប្រកាស របស់ ក្រសួងកសិកម្ម ចេញផ្សាយ នៅ ថ្ងៃ ទី ៥ ខែកក្កដា ឆ្នាំ២០២៥ បាន បញ្ជាក់ ថា យោង តាម សេចក្តីសម្រេច នេះ ធ្វើ ឡើង បន្ទាប់ ពី GACC បាន វាយតម្លៃ និង យល់ព្រម លើ សំណើ ចុះបញ្ជី ចម្ការ ទុរេន ចំនួន ១១២ កន្លែង និង រោងចក្រ វេច ខ្ចប់ ចំនួន ៣០ កន្លែង ដែល បាន បំពេញ តាម គោលការណ៍ កសិកម្ម ល្អ (GAP) លក្ខខណ្ឌ ភូតគាម អនាម័យ និង ស្តង់ដា សុវត្ថិភាព ចំណីអាហារ របស់ ប្រទេស ចិន ។

ជាមួយ គ្នា នេះ ក្រសួង បាន បន្ត ឱ្យ ដឹង ថា « ដើម្បី ធានា នូវ គុណភាព និង និរន្តរភាព នៃ ការ នាំ ចេញ ក្រសួង សូម អំពាវនាវ ដល់ ម្ចាស់ ចម្ការ និង រោងចក្រ វេច ខ្ចប់ ទាំងអស់ ត្រូវ បន្ត អនុវត្ត ឱ្យ ខ្ជាប់ខ្ជួន តាម លក្ខខណ្ឌ នៃ ពិធីសារ ដែល កំណត់ ដោយ គ្មាន សមាសភាព ចង្រៃ គ្មាន សំណល់ ថ្នាំ កសិកម្ម ឬ សារធាតុ គីមី ហាមឃាត់ » ។

ក្នុង សេចក្តី ប្រកាស ដដែល នេះ បានឱ្យ ដឹង ថា ក្រសួង ជំរុញ ឱ្យ ម្ចាស់ ចម្ការ និង រោងចក្រ វេច ខ្ចប់ ផ្សេង ទៀត ដែល មាន បំណង នាំ ចេញ រួសរាន់ មក ដាក់ ពាក្យ ស្នើ សុំ ចុះបញ្ជី ជាមួយ អគ្គនាយកដ្ឋាន កសិកម្ម ដើម្បី ទទួល បានការ វាយតម្លៃ ។

សូម បញ្ជាក់ ថា មក ដល់ បច្ចុប្បន្ន នេះ ផ្លែ ទុរេន ស្រស់ គឺជា កសិផល ទី ៩ របស់ កម្ពុជា ដែល ត្រូវ បាន អនុញ្ញាត ឱ្យ នាំ ចេ ដោយ ផ្ទាល់ ទៅ កាន់ ប្រទេស ចិន បន្ទាប់ ពី អង្ករ កន្ទក់ អង្ករ ចំណិត ដំឡូង មី ក្រៀម គ្រាប់ពោត ផ្លែ ចេក ផ្លែស្វាយ ផ្លែ មៀន និង ម្រេច ។ នេះ គឺជា សមិទ្ធផល ផ្លែផ្កា ដែល កើត ចេញពី កិច្ច សហប្រតិបត្តិការ ដ៏ ល្អ រវាង កម្ពុជា និង ចិន ៕

Nº.0830