លោកស្រីអនុប្រធានាធិបតី ហ្វីលីពីន ជាប់សង្ស័យ ថាបានគំរាម ចង់សម្លាប់ លោក ប្រធានាធិបតីម៉ារកូស
ទំនាស់ឈ្លោះប្រកែកគ្នា កាន់តែមានខ្លាំងឡើង រវាង លោកប្រធានាធីបតី ហ្វីលីពីន ហ្វ៊ែរឌីណង់ ម៉ារកូស និងលោកស្រី អនុប្រធានាធិបតី សារ៉ា ឌូទែរត៍។ កាលពីថ្ងៃសៅរ៍ វិមានប្រធានាធិបតីហ្វីលីពីន បានឲ្យដឹងថា គេបានបញ្ជា ឲ្យ កងរក្សាសន្តិសុខ ត្រូវបង្កើន ការ ប្រុងប្រយ័ត្ន យ៉ាងអាសន្ន បំផុត ដើម្បីការពារអាយុជីវិតលោក ប្រធានាធិបតី ហ្វ៊ែរឌីណង់ ម៉ារកូស បន្ទាប់ពីលោកស្រីអនុប្រធានាធិបតី បាន និយាយ គំរាមយ៉ាងច្បាស់ៗ ឲ្យកងអង្គរក្សខ្លួន សម្លាប់ លោក ប្រធានាធិបតី។
សូមបញ្ជាក់ថា នៅឆ្នាំ២០២៥ នឹងមាន ការបោះឆ្នោត សភា ពាក់កណ្តាល អាណត្តិ នៅហ្វីលីពីន ។ គិតត្រឹមពេលនេះ លោកស្រី សារ៉ា ឌូរទែរត៍ អាយុ៤៦ឆ្នាំ ត្រូវគេសម្លឹងឃើញថាកំពុងតែប្រជែងដើម្បី ឈ្នះឆ្នោត ឡើងអង្គុយកៅអីបប្រធានាធិបតីហ្វីលីពីន ។ តែទន្ទឹមគ្នា នេះ ប្អូនប្រុស ជីដូនមួយ របស់ លោក ប្រធានាធិបតី ម៉ារកូស គឺលោក ម៉ារទីន រ៉ូមាល់ដេស ដែលជាប្រធានសភា បានគំរាមថា នឹងឲ្យ សភា បោះឆ្នោតទម្លាក់លោកស្រី សារ៉ា ឌូរទែរត៍ ឲ្យ បាន ។ តាមការគ្រោងទុក លោក ម៉ារទីន រ៉ូមាល់ដេស នឹងឈរឈ្មោះជាបេក្ខជនប្រធានាធិបតី នៅអាណត្តិក្រោយ ឆ្នាំ ២០២៨ ៕
N.0092