លោក ដូណាល់ ត្រាំ ដកតំណែង ប្រធានទីភ្នាក់ងារស៊ើបការណ៍សម្ងាត់យោធា

លោក ដូណាល់ ត្រាំ ដកតំណែង ប្រធានទីភ្នាក់ងារស៊ើបការណ៍សម្ងាត់យោធា

ចេញផ្សាយនៅថ្ងៃទី២៤ ខែសីហា​ ឆ្នាំ២០២៥

ប្រធានាធិបតីអាមេរិក លោក ដូណាល់ ត្រាំ ព្យួរ តំណែងប្រធានទីភ្នាក់ងារស៊ើបការណ៍សម្ងាត់យោធា និង មន្ត្រីជាន់ ខ្ពស់យោធា ២ នាក់ទៀត ។ ការ បណ្តេញចេញពី តំណែងនេះ ព្រោះតែ ប្រធានាធិបតីអាមេរិក លែង ទុកចិត្តពួក គេ បន្ទាប់ពី ចេញផ្សាយ របាយការណ៍ អះអាង ថា ការវាយប្រហាររបស់ អាមេរិក ទៅ លើស្ថានីយ នុយក្លេអ៊ែរ អ៊ីរ៉ង់ មាន ប្រសិទ្ធភាព តិច តួច ។

លោក Jeffrey Kruse ប្រធានទីភ្នាក់ងារ ស៊ើប ការណ៍សម្ងាត់ យោធា (Defense Intelligence Agency) និងជាឧត្តមសេនីយ៍ឯកខាងទ័ព ជើង អាកាស ត្រូវ បញ្ចប់ពីមុខ តំណែង ហើយ មន្ត្រីយោធា ជាន់ ខ្ពស់ ២រូប ទៀត ខាងទ័ព ជើង ទឹក ក៏ត្រូវ ធ្លាក់ ពី មុខនាទី ដែរ ។ 

ចូល កាន់មុខ តំណែង កាលពី ដើម ឆ្នាំ២០២៤ លោក Jeffrey Kruse បាន ចូលរួម ផ្សាយ របាយការណ៍ យោធាអាមេរិក កាលពី ២ខែមុន នេះ ដោយ អះអាងថា ការវាយប្រហារមីស៊ីលអាមេរិក ទៅលើ ទីតាំង ស្ថានីយ នុយក្លេអ៊ែរ អ៊ឺរ៉ង់ កាលពី ខែមិថុនាកន្លងទៅ នោះ មានប្រសិទ្ធភាពតិចតួច ហើយវា អាច ពន្យារ ពេល ផលិតកម្ម ចម្រាញ់ សារ ធាតុ អ៊ុយរ៉ាញ៉ូម របស់ អ៊ីរ៉ង់ ត្រឹម តែ ប៉ុន្មាន ខែ តែ ប៉ុណ្ណោះ ។ ខ្លឹមសារ របាយការណ៍ យ៉ាង ដូច្នេះ ធ្វើ ឲ្យ លោក ដូណាល់ ត្រាំ ខឹង និងមិន សប្បាយ ចិត្ត ទេ ទើប ឈានទៅ សម្រេចបណ្តេញ ពួក គេទាំងនោះ ចេញពី តំណែង ។

តាំង ពីលោក ដូណាល់ ត្រាំ បាន ឡើង កាន់អំណាច ជាថ្មីនៅ សេតវិមាន , ប្រធានាធិ បតី រូបនេះ បាន ដកតំណែង មន្ត្រី ទទួល ខុសត្រូវ ជាន់ ខ្ពស់ នៃក្រសួង ការពារជាតិ ជាច្រើន នាក់រួច មកហើយ ។ ក្នុង ចំណោមនោះ ក៏ មាន លោក មេបញ្ជាការ យោធា ឧត្តមសេនីយ៍ Charles Brown ដែលត្រូវ ជ្រុះ ពី តំណែងកាលពី ខែ កុម្ភៈ កន្លងទៅ ដោយ គ្មានទទួល បាន សេចក្តីពន្យល់ហេតុផល អ្វីច្រើន ឡើយ ។

តែយ៉ាងណាក្តី ប្រមុខដឹកនាំមន្ទីរបញ្ចកោណ លោក Pete Hegseth រដ្ឋមន្ត្រីការពារជាតិ ដែល ជា មនុស្ស ស្និទ្ធនិង ស្មោះស្ម័គ្រ ចំពោះ លោក ត្រាំ បានព្យាយាម ការពារ សិទ្ធិអំណាច របស់ប្រធានាធិបតី ថាលោក ដូណាល់ ត្រាំ អាច ជ្រើសរើស មេបញ្ជាការនិង ថ្នាក់ដឹកនាំ កំពូល ៗ ខាងការពារជាតិ ស្រេច ទៅតាម អំពើចិត្ត របស់ គាត់ ។ ក៏ប៉ុន្តែ បណ្តា អ្នក តំណាងរាស្ត្រប្រឆាំង នៃគណ បក្ស ប្រជាធិបតេយ្យ មិន ពេញចិត្ត សោះឡើយ ក្នុងការណ៍ ដែល អ្នកនយោបាយ កាន់ អំណាច កំពូល លូកដៃ យក វិស័យ ការពារជាតិ ជាឧបករណ៍ នយោបាយ ផ្ទាល់ខ្លួន។

តាមទម្លាប់ ធម្មតា នៅសហរដ្ឋអាមេរិក ផ្នែក ស៊ើប ការណ៍ សម្ងាត់និង ផ្នែក កងទ័ព មិនមែនជា ស្ថាប័ន នយោបាយ ហើយត្រូវ បំពេញ សកម្មភាព បម្រើ ឲ្យ តែប្រយោជន៍សន្តិសុខ ជាតិតែប៉ុណ្ណោះ ពោល គឺ ពុំមែន បម្រើប្រយោជន៍នយោបាយ ផ្ទាល់ ខ្លួន របស់ ប្រធានាធិបតី នោះឡើយ ៕

Nº.0954