ក្រសួងអប់រំ៖ បេក្ខជនភៀសសឹក នៅខេត្តឧត្តរមានជ័យ និងព្រះវិហារ ត្រូវបានអនុញ្ញាតឲ្យប្រឡងនៅខេត្តផ្សេងបាន
ចេញផ្សាយនៅថ្ងៃទី២៨ ខែកក្កដា ឆ្នាំ២០២៥៖
ក្រសួងអប់រំយុវជន និងកីឡា បានប្រកាសពន្យាពេលប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបឆ្នាំនេះ ទៅធ្វើនៅចុងខែសីហា ឆ្នាំ២០២៥នេះវិញ ហើយអនុញ្ញាតឱ្យបេក្ខជនភៀសខ្លួនអាចប្រឡងនៅតាមបណ្តាខេត្តផ្សេងបានផងដែរ។
លោកបណ្ឌិតសភាចារ្យ ហង់ជូន ណារ៉ុន ឧបនាយករដ្ឋមន្ត្រីរដ្ឋមន្ត្រីក្រសួងអប់រំយុវជននិងកីឡា បានឱ្យដឹងថា ប្រឡងសញ្ញាបត្រមធ្យមសិក្សាទុតិយភូមិគ្រោងនឹងធ្វើនៅថ្ងៃទី១៨-១៩សីហា នឹងត្រូវពន្យាពេលទៅធ្វើនៅថ្ងៃទី២៨-២៩ ខែសីហា ឆ្នាំ២០២៥វិញ។ ជាមួយគ្នានេះដែរបេក្ខជននៅខេត្តព្រះវិហារ និងខេត្តឧត្តរមានជ័យ អាចប្រឡងនៅខេត្តរបស់ខ្លួននិងខេត្តផ្សេងទៀតបានប្រសិនបើភៀសសឹក។
Nº.0884
