កូរ៉េខាងជើងសម្ពោធ រមណីយដ្ឋានមាត់ឆ្នេរដ៏សម្បើម ដើម្បីទាក់ទាញទេសចរ

កូរ៉េខាងជើងសម្ពោធ រមណីយដ្ឋានមាត់ឆ្នេរដ៏សម្បើម ដើម្បីទាក់ទាញទេសចរ

ចេញផ្សាយនៅថ្ងៃទី២៧ ខែមិថុនា ឆ្នាំ២០២៥៖

ក្នុង សប្តាហ៍ នេះ មេដឹកនាំកូរ៉េខាងជើង លោក គីម ជុង អ៊ុន បាន សម្ពោធរមណីយដ្ឋាន ទេសចរណ៍ ដ៏ ធំ មហិមា នៅ តំបន់ មាត់ឆ្នេរ បូព៌ាប្រទេស ។ នេះបើតាម បណ្តាញឃោសនារដ្ឋកូរ៉េខាងជើង ដោយ បញ្ជាក់ ទៀត ថា  ទីកន្លែង លំហែកម្សាន្តដ៏ទំនើប ថ្មីនេះ អាច ទទួលស្វាគមន៍ ភ្ញៀវ ទេសចរ យ៉ាងតិច ២០ ០០០នាក់។

ប្រមុខដឹកនាំកូរ៉េខាងជើង លោក គីម ជុងអ៊ុន បាន កាត់ ខ្សែបូពណ៌ក្រហមសម្ពោធរមណីយដ្ឋានលំហែកម្សាន្តដ៏ធំសម្បើម នៅ តំបន់ ឆ្នេរ ខាងកើតប្រទេស ។ នេះជាសញ្ញានៃការ ទាក់ទាញទេសចរបរទេស ទៅទស្សនាប្រទេសដ៏បិទជិត បែប របបកុម្មុយនិស្តក្រុង ព្យុងយ៉ាង។

បណ្តាញឃោសនារដ្ឋកូរ៉េខាងជើង KCNA បាន ផ្សព្វផ្សាយថា លោក គីម ជុងអ៊ុន បាន យក ចិត្ត ទុកដាក់ ខ្លាំងណាស់ ចំពោះគម្រោង តំបន់ រមណីយដ្ឋានទេសចរណ៍ Wonsan-Kalma នេះ និង ចាត់ទុកថា ការ សម្ពោធ តំបន់ រីស៊ត (Resort) ថ្មីនេះ ជាសមិទ្ធផល ស្នាដៃ កសាងជាតិ ដ៏ ធំអស្ចារ្យ សម្រាប់ ឆ្នាំ២០២៥។ បើ តាម KCNAដដែល ទីកន្លែងលំហែមាត់ឆ្នេរ ដ៏ទំនើបថ្មីនេះ ជា តំបន់ កម្សាន្ត បែប វប្បធម៌ លំដាប់ ពិភពលោក ប្រដាប់ ដោយ ហេដ្ឋារចនាសម្ព័ន្ធ សម្បូរបែប សំណង់សណ្ឋាគារ ល្អប្រណីត មាន ទីតាំងលេង កម្សាន្ត គ្រប់ម៉ូតគ្រប់ម៉ាក គ្រប់ រដូវ កាល និង អាច ទទួល ភ្ញៀវ ទេសចរ រហូតដល់ ២ ម៉ឺននាក់ ឯណោះ។ រមណីយដ្ឋានកូរ៉េខាងជើង ត្រូវ ចាប់ផ្តើម ទទួល ភ្ញៀវ នៅថ្ងៃ ទី ១កក្កដា ខាងមុខ។

ភ្លាមៗ គេ សំឡឹងឃើញ ភ្ញៀវទេសចរ ចិន និងរុស្ស៊ី ដែលសុទ្ធសឹងជា សម្ព័ន្ធ មិត្ត ចាក់ទឹក មិនលេច។ ជាក់ស្តែង ទីភ្នាក់ងារ សារព័ត៌មា នរុស្ស៊ី Tass ប្រកាស ថា រថភ្លើង ដឹក អ្ន កដំណើរពីក្រុង ព្យុងយ៉ាង បានទៅដល់ ក្រុង ម៉ូស្គូ នៅ ថ្ងៃពុធ ទី ២៥មិថុនា ដែល ជា សញ្ញាបញ្ជាក់ អំពី ការ បើក ផ្លូវ ដែក ឡើងវិញ សម្រាប់ តភ្ជាប់ ដោយ ត្រង់ រវាង រដ្ឋធានី នៃប្រទេស ទាំង២ ក្រោយ ពី ផ្អាក ឈប់ ដំណើរ ការ រយៈ ពេល ៥ ឆ្នាំ។

ក្រៅពី រថភ្លើង តភ្ជាប់ ពីព្យុងយ៉ាងទៅ ម៉ូស្គូ ក៏ មាន ខ្សែរថភ្លើង ចេញទៅ ខេត្ត និងតំបន់ ផ្សេងៗ ដែរ តួយ៉ាង ផ្លូវដែក តភ្ជាប់ពី ទីក្រុង Rasŏn (Rajin-Sŏnbong) តំបន់ សេដ្ឋកិច្ច ពិសេស កូរ៉េ ខាងជើង ភ្ជាប់ទៅ ទីក្រុង Vladivostok តំបន់ កំពង់ ផែពាណិជ្ជកម្មរុស្ស៊ី។ ខ្សែរថភ្លើងតភ្ជាប់ ក្រុង ទាំង២ នេះ ផ្តើម ដំណើរការ តាំងពី ខែ ឧសភា មកម្ល៉េះ។ នេះបើតាម ប្រភព ពីក្រសួង បង្រួម បង្រួមជាតិ របស់ កូរ៉េខាងត្បូង ។

គួរ បញ្ជាក់ថា មេដឹកនាំផ្តាច់ការ កុម្មុយនិស្តកូរ៉េខាងជើង លោក គីម ជុងអ៊ុន បាន ធ្វើដំណើរទៅ សម្ពោធ កន្លែង កម្សាន្ត មាត់ឆ្នេរនោះ ក្នុងថ្ងៃទី ២៤មិថុនា ដោយ មាន អមដំណើរ ពីសំណាក់ ជំទាវទី១ Ri Sol Ju (리설주) និង បុត្រីសំណព្វចិត្ត  Kim Ju Ae (김주애)។

រូបភាព វីដេអូ ក្រុមគ្រួសារ របស់ ថ្នាក់ដឹកនាំ កូរ៉េខាង ជើងដែល របបក្រុង ព្យុងយ៉ាងផ្សាយ ឃោសនា ថ្ងៃព្រហស្បតិ៍ ទី ២៦មិថុនា បាន ជាបច្ច័យ អាក្រក់ មួយសម្រាប់ឲ្យ ប្រព័ន្ធ ផ្សព្វផ្សាយកូរ៉េ ខាងត្បូង ឆ្លៀត ឱកាសឃោសនា រិះគន់ ក្រុម គ្រួសារ របស់ លោក គីម ជុង អ៊ុន ជាពិសេស កូនស្រី Kim Ju Ae ដែល គេគិត ថា នឹង ស្នង តំណែងឪពុក ។

បណ្តាញ ព័ត៌មាន កូរ៉េខាងត្បូង ទិតៀន ថា កូន ស្រី របស់ លោក គីម ជុង អ៊ុន ទំនងជា ពាក់ នាឡិកាដៃ ប្រភេទ Cartier ដែល មាន តម្លៃរាប់ពាន់ដុល្លារ។ ទំនិញ លំដាប់ ថ្លៃខ្ពស់ កប់ពពក ដូច្នេះ ឋិត ក្នុង បញ្ជីទណ្ឌកម្ម របស់ អង្គការ សហប្រជាជាតិ ដែល បាន ហាមឃាត់ មិនឲ្យ នាំចូល កូរ៉េខាងជើង នោះទេ៕

Nº.0810